Loading...

hamzehqasem

Food Critic - حمزة قاسم ناقد ، مدوّن ، متذوق للطعام من 2014 🇯🇴 عضو في رابطة صحفيي الطعام العالمية AFJ Snapchat : #Foodtip قناتي على يوتيوب في استكشاف مطاعم الاردن 👇👇
1,262 posts
34,410 followers
237 following

@hamzehqasem

Food Critic - حمزة قاسم
.
#تجارب_الاسبوع #شاورما_ايام_زمان
زي ما بحكي دايما كل منطقة بعمّان فيها علامة معروفة بخريطة الاكل ، الشغلة الوحيدة الي بتميز الشاورما عن اي نوع اكل هيه الريحة 👌 ريحة الشاورما عنا ممكن تشد الواحد من على بعد كيلومترات .. واحد من هي الاماكن الي الها فاتحة فترة شاورما وهبة @shawerma_wahbeh
.
مبدأياً الشاورما نفسها عظيمة بصراحة، ما بتشد وقت الاكل ولا ناقصة تتبيلة..ساندويش شاورما اللحمة موزونة بصراحة كلاسيكية مافيها اي لعب او اضافات طعم زي ايام زمان بصل بندورة بقدونس وطحينية وبس 👌وبتاكلوا لحمة حقيقية وطعم واضح وصريح
.
بالنسبة للجاج اهم عامل بنجاحها طبعا بعد الجاج نفسه هوه المثوّمة وفعلا هاد الي كان متفوقين ع نفسهم بالمثوّمة وطعمها ونظافة الجاج نفسه واستواءه على النار ..شخصياًبفضّل الخبز العربي على الشراك او التورتيلا بالشاورما وتحديداً اللحمة .
هاد اكل يا جماعة مش قرآن وخاضة الشاورما كل يوم ممكن يمون كعمها شكل فطييعي مرات تلاقوا اختلاف باتجارب بين كل حدا، الشغلة الوحيدة الي فصلتني فيه إنه البطاطا عندهم بيحطوا عليها اوريغانو وانا مش من جمهوره مع البطاطا😑
.
في المجمل : تجربة لطيفة جداً، شاورما تبع ايام زمان زي ما بيقول الكتاب بالزبط ولو بيضيفوا عيران للمشاريب تندهم هيك الكلام بيطلع صح 💪
.
طيب بالنسبة للناس الي ما عندها حب تجربة مطاعم شاورما جديدة بيستاهل التجربة؟ بستاهل بس اختاروا توقيت صح (ظهر ، عصر ، مغرب ) ولا تجربوها ديليفري لازم بلحظتها

الاسعار اغلى شوي من الي متعودين عليها بالشاورما ع الحجم هاد ، بس الطعم بيستاهل بصراحة👌
.
موقع المطعم : الدوار السابع خلف الملكية
الاسعار بالصور👆
.
.
#foodtip #shawarma #شاورما #food #instagram #instafood #foodporn #foodie #foodart #instagramers #foodgram #foodiegram #jordan #amman #lovejo #foodstagram #instafood #instapic #foodphotography #jordan #amman #lovejo #foody #foodstyling #streetfood
62 632 3 days ago

@hamzehqasem

Food Critic - حمزة قاسم
.
اكتر 9 صور نالت اكثر عدد من الإعجاب والتفاعل خلال عام 2018 ، 28 الف لايك خلال سنة وحدة شكراً الكم على تفاعلكم ولمنحي الثقة ونعدكم بالمزيد من الأشياء المقوّية للكرش👌😁😁
.

حمزة قاسم - ناقد ، مدوّن ، متذوق للطعام من 2014 🇯🇴
عضو في رابطة صحفيي الطعام العالمية afj
.
سنابشات 👻 : foodtip
يوتيوب 🎥 : foodtip
.

#bestnine2018 #2018bestnine #foodtip #jordan #instafood #instafoodie #foodblog #foodblogger #newyears #newyearseve #newyear #2018 #2019
5 163 4 weeks ago

@hamzehqasem

Food Critic - حمزة قاسم
.
#تجارب_الاسبوع #كمشة_كالوريز .
معروفة من زمان، الشتا والبرد بيجوعوا، ما حدا يقلي دايت وديتوكس بهيك جو 😏 من كم يوم فتح مطعم هاكونا ماتاتا @hakunamatatajo الي بيعمل شغلة وحدة بطاطا مقلية مع جاج مقلي ومغرقة صلصات 👌
. مافي كلام كتير بس الحجم الي عندهم مشبع جداً جداً ودسم وبيعطي حرارا وطاقة كتيرة 👌 ، الحلو انه الجاج بينقلي على الطلب عند كل اوردر ، تتبيلة البطاطا فيها زي تتبيلة البروستد وكل اشي بينعمل فريش عندهم .
عندهم ٥ صلصات ممكن تختاروها كلها او تختاروا الي يدكم ياه ، صلصة كوكتيل ، الوايت sauce قريب من الرانش ، جبنة شدر ، كاتشاب ، والصلصة الحارة
.
اصغر حجم عندهم بيحطوا فيه 300 غم جاج مع حوالي 100-150 غم بطاطا ف وزن وحجم وكمية ممتازة جداً
.
تقريباً مافي اي ملاحظة على الجاج والبطاطا نوعية كويسة وحجم ممتاز وقرمشة مزبوطة 👌 الي بحب اشوفه للخطوة القادمة اني الاقي خيارات اكتر بالصلصات وشوية اضافات اختيارية زي الهالبينو او المخللات والحبشكتنات الزاكية😋

في المجمل أكلة عظيمة، بعز البرد اكلة دسمة و سخنة ومشبعة وهو المطلوب
.
موقع المطعم : السابع مقابل مطعم السروات
سعر الوجبة : 4.25 دينار
.
#foodtip #fries #friedchicken #fried #hakunamtatajo #instagram #blogger #streetfood #instafood #foodporn #follow #like #foodart #foodism #jordan #lovejo
48 358 last month

@hamzehqasem

Food Critic - حمزة قاسم
.
#تجارب_الاسبوع #الأكل_المكسيكي🇲🇽️🇲🇽️
.
للناس الي بتحب التغيير والأكل المختلف ✋✋، للناس الي بتحب المطاعم الي بتقدم أكل غريب الي مش كل الناس بتعرفه ! الكلام عن الأكل المكسيكي في مطعم @tacosymasalla وبالعربي بينلفظ تاكوز يا مسايا ويعني تاكوز وما ورائها
.
- من زمان وانا علاقتي بالأكل المكسيكي هي ڤيديوهات علي يوتيوب عن مطاعم بتقدم أكل مكسيكي في أمريكا واقعد اعيّط قدامها ، لكن بعد اكمن اكلة في المطعم بصفة عامة كانت تجربة مختلفة وجديدة ومُشبِعة جداً
.
سنابشات : #foodtip .
المتميز عندهم بطريقة التقديم المميزة والثابتة بأي وقت بتروحوله 👌
.
- #انشيلادا enchilada هون الدسم القوي ، كمية لحمة محترمة جوا التورتيلا بينحط فيها بهارات مكسيكية وبتندهن من برا بصلصة حارة مع جبنة سايحة وبتغلي على الداير وتؤكل ساخنة فوراً لانه مجرد ما تبرد بتفقد 50% من طعمها الحقيقي ، يفضّل تاكلوها بالشوكة والسكينة
.
- #تاكو taco عندهم مختلف شوي خاصة الهارد الي بيجي قشرة تورتيلا مقلية صلبة بتنلف بتورتيلا سوفت وبينحط فيها المكوّنات الي اهمها ال sour cream والguacamole صلصة الافوكادو وجبنة وخلطة ال pica di gallo بالمختصر كتير زاكي وبدكم تنتين بتشبعوا منها لانه الكمية الي محطوطة اجمالاً ممتازة سواء لحمة او جاج
.
- سلطة التاكو بتيجي بطريقة حلوة بخبز تورتيلا مقلي ومعها الحبشتكنات جواتها بطريقة جميلة ومكس لطيف بين المكونات
.
- عندهم ستيك بصلصة الفطر مع demi glace sauce الي طعمه بيعطي لذعة مرتبة طبعا بتقدروا تطلبوا الستيك بدرجة الاستواء الي بدكم ياها والافضل دايماً medium/medium well .
عندهم البرجر بالطريقة المكسيكية بحطوها بخبز تورتيلا محمّص مع صلصة وتتبيلة لطيفة حارة شوي
.
- كاساديّا quesadilla عبارة عن خبز تورتبلا بيتقطع لمثلثات وبينحط فيه صلصة المكسيكية الحارة مع لحمة او جاج وفليفلة الوان ، بالنسبة الي اي اشي فيه فليفلة كتير انا ما بكون ميّال اله 😔
.
موقع المطعم خلف شارع مكة عند مجمعات المطاعم الجديدة
.
#foodtip #foodstagram #instafood #instagram #instapic #foodphotography #jordan #breakfast #amman #lovejo #foody #foodstyling #streetfood
4 136 last month

@hamzehqasem

Food Critic - حمزة قاسم
.
#تجارب_الاسبوع #كباب_بوسني 🇧🇦🇧🇦
.
طيب اللقطة هاي تقريباً مش موجوده في البلد الا بمطعم واحد واللي ما جربها مش رح يكون عارف حلاوتها بمطعم اسمه #kuhati @kuhatijo عامل فكرة الكباب البوسني بخبز وصلصات زي كأنك قاعد بنص البوسنة 👌
.
احلى شغلات عجبتني انه الكباب البوسني حجمه صغير على شكل حبات صغيرة خفيفة تتبيلته بتتميز انه بس في ملح من غير اي اضافات وتتبيلة مميزة جايبين وصفتها من البوسنة للاردن متل هيه
.
بالعادة بياخدوا لحمة الكباب من لحمة العجل متوسط العمر .
بستعملوا خبز ال pita قريب شكله من الخبز العربي وبنعمل من الطحين الابيض ، عندهم صلصة حارة اسمها ajvir وصلصة التوم للناس الي ما بتحب الصلصة الاصلية الي اسمها kaymak بتيجي زي القشطة جامدة شوي فيها طعم حلاوة خفيف وهيك الاصول في البوسنة
.
الحلو بالمينيو انها زي مطاعم البوسنة تماماً لقيت شغلة اسمها فتة الكياب بتيجي الصلصة الحمرة مع خبز وكباب مقطّع وعليهم صلصة ال kaymak ، طعمها خيالي متناسق وكمية محترمة مشبعة ، اهم اساس لنجاح هيك اشياء هوه الكباب نفسه اذا كان مستوي واموره تمام كل اشي بينجح بعدها
.
انتوا بتختاروا شو بدكم سندويشات او فرط السندويشة بتيجي فيها ٥ قطع كباب او ٨ بتختاروا ، او زي الي بالصورة ٢ خبز بيتا مع ٢٥٠ غم لحمة كباب وحبشتكناتها 😋
بيقدموا عيران بالنعنع حكاية رسمي من طعمه الزاكي 👌
.
عندهم سلطة جاج البوسنية بسيطة مافيها كتير مميزات بتيجي جاج مشوي مع رمان وجرجير وdressing لطيف بسيط زيت وليمون بتقدروا تحكوا طعمها طبيعي زي اي سلطة بس هيك بتتقدم بالبوسنة
.
موقع المطعم بجبل اللويبدة بجانب حلويات أطر
الاسعار بالصور 👇
.
#foodtip #foodstagram #instafood #instagram #instapic #foodphotography #jordan #breakfast #amman #lovejo #foody #foodstyling #streetfood #bosnianfood #bosniankebab #food #foodporn #bosnia #kebap #kuhati #kuvati #bosnians #bosnia🇧🇦
14 189 last month

@hamzehqasem

Food Critic - حمزة قاسم
.
#تجارب_الاسبوع #فطور_الجمعة .
أي وجبة على مدار الإسبوع كوم وفطور الجمعة كوم تاني بروتوكول رسمي ممنوع اللعب فيه 🖐
.
وانت وماشي بشارع الجاردنز أيام الطيبين والزمن الجميل والذكريات كان موجود مطعم عبّود الي عمل ثورة بسندويشات الفلافل الكعك وتختاروا شو ما بدكم من الخضار والطحينية والشطة وتزيد شطة وتنقّص مخلل وهكذا 😁لكن مطعم عبّود تراجع بالسنين الأخيرة وانتهت الأسطورة واصبح اقل من عادي حتى سكّر
.
لكن لقيت محل جديد فاتح محله اسمه #مطعم_العكش بديكور مرتب بيعمل حمص وفلافل وفتة وكمان عنده فرن صغير بيعمل فيه مناقيش جبنة وزعتر وعنده قعدة داخلية مرتبة
.
للأمانة الخبز بينعمل عندهم فريش ويقدّم وهوه سخن ، الحمص خلطته ممتازة والفلافل حجمهم وسط وتتبيله خضرا من الداخل طعمه مميز وعندهم كمان حمص عليه شاورما من السيخ على كيف كيفكم تذوب به القلوب 😍
.
#foodtip #foodstagram #instafood #instagram #instapic #foodphotography #jordan #breakfast #amman #lovejo #foody #foodstyling #streetfood #hummus #falafel #food #foodporn #arab #arabicfood
20 224 last month

@hamzehqasem

Food Critic - حمزة قاسم
.
#تجارب_الاسبوع #متع_كرشك .

قليل جدا ضل أماكن في عمّان تأكلك أكلة تخليك صافن بالحياة من كتر ما الأكل جودته وطعمه عظيم ! كلامي في البوست هاد عن واحد من اجدد المطاعم مطعم ريزا @rizerestaurant
.
ونصيحة شوفوا كل الصور 😁😁
.

#الخلاصة للي مكسل يقرأ : ريزا مطعم مركزي بيقدم كل اشي من الطبايخ للمشاوي للشاورما للكمبير للفخارات للصاجيات! مافيه اختراعات بس جودته ونوعية الاكل وطعمه فوق العظيمة👌
.
مبدأياً الكومبير عندهم مميز فعلاً بنوعية وحجم البطاطا الي مستعملينها ، جربت مع الشاورما واخطر وحدة الي فيها 2 سيخ كباب مع سخونة البطاطا والمكونات الي معها بتعطي وجبة دسمة مشبعة بطعم رهيب👌🤤 الكومبير بتضلها كومبير بس الفكرة بالحبشتكنات الي فيها وحجمها وجودتها من جوا وهون كل الفن بالموضوع
.
الجاج المشوي المطفّى عالفحم الي مااعتقد اكلت اعظم وازكى من هيك جعم ونكهة وصدقاً هي signature بتميز المطعم بقصة وخلطة الجاج المشوي 👌 المشاوي كلها عموماً فوق الرهيبة من الكباب للشيش للسقف بس اهم نقطة انه اكل زي هيكل ا يؤكل ولا بينحكم عليه بالديلفري ، اشياء سخنة لازم تتجرب بلحظتها فقط لا غير .
معلومة على جنب: المكان الصبح بيقدم فطور ومعجنات وخبز فريش من انتاجهم
.
موقع المطعم : شارع الحرية بجانب ماكدونالدز
سعر الكومبير الكباب والشاورما 5 دنانير ، الجاج المشوي ٦.٥
.
سنابشات : #foodtip
#kumpir #rize #rizerestaurant #turkishfood #kebab #kebap #food #instagram #instafood #foodporn #foodie #foodart #instagramers #foodgram #foodiegram #chef #blogger #jordan #amman #lovejo
31 251 last month

@hamzehqasem

Food Critic - حمزة قاسم
.
#تجارب_الاسبوع #تحلاية ️🇰🇷🇰🇷
.
الناس لما بتحكيلك انها بتحب الشتا اكتر من الصيف بيكون فى سبب واضح وهو إنه بالشتا مستوى الجوع بيكون بالقمة ، الأكل بيكون اله طعم تاني ومزاج خاص ،الي هو كل شوي بتاكلك شغلة حلوة لزوم الروقان والدفى
.
فا بصراحة @bejcafe هو أكتر مكان مناسب للموضوع هاد ، عالم الحلويات والاشياء الزاكية عنده واللمسة الكورية بيخليك تاكل منهم طول حياتك
.
المحل اخد الروح واللمسة الكورية بالتصميم وبالمينيو وحتى بستايل كافيهات الحلويات الكورية الي عندهم نوع حلو مختلف وجديد علينا هو عبارة عن #shaved_ice ثلج مبروش بماكينات على نهات كتيرة من انواع الشوكلاتة للفواكة لكتير اشياء ، بتتكون من طبقة كبيرة من الثلج بنكهة الي بتختارها ( التوصيات كانت انه المنجا اول خيار نبدا فيه ) ف بيجي ثلج بطعم المنجا مع قطع منجا فريش فوقها وايس كريم ، طبعاً هي باردة كتير يعين اذا انت بتحب الاشياء الباردة بالشتا هي هي طلبك 👌👌 حجمها بكفي شخصين
.
- اما الشغلة الخيالية الثانية هيه ال #french_toast ، معناه بالعربي خبز البيض ، هوه خبز بكون مخفوق بالبيض وطبعاً بينخلط معه الحليب وشوية اشياء زاكية معه ، وبيتقدّم كطبق فطور او تحلاية او عشاء ، اهم اشي في هاي العجينة انها تكون طرية كتير واقرب انها ذايبة عند التقطيع ما تحتاج اي مجهود ، وطعمها يكون زاكي ما تكون الخلطة ناشفة ، وبنفس الوقت لما تكون مغرقة بالشوكلاتة من فوق وتنزل عليها هيك بتكون اكتملت السعادة رسمياً 🤤 الوحدة بتكفي شخصين
.
- عندهم كم نوع عصير غريبين شوي خلطاتهم زاكية فيها صودا وفواكة طبيعية مع خلطة توت وفراولة قصة وطعمهم زاكي وغريب بنفس الوقت 👌
.
- الأسعار بالصور👇
- موقع المطعم بشارع عبدالله غوشة مقابل كازية توتال وجريدة الممتاز
سنابشات : #foodtip .
#bejcaffe #dessertlover #korea #instagram #koreanfood #instagood #instadessert #jordan #lovejo #shareyourjordan #foodoftheday #amman #foodlovers
41 364 November 2018

@hamzehqasem

Food Critic - حمزة قاسم
.
رجعوني هناك للفستق الاخضر والبقلاوة الحقيقية 😭😭
.
لكل الي راحوا تركيا من الشرق للغرب وين احسن مكان اكلتوا فيه بقلاوة تركية🤔 #baklava #turkey .
29 466 November 2018

@hamzehqasem

Food Critic - حمزة قاسم
.
#تجارب_الاسبوع #شاورما_لحمة .
بما اني من محبي الشاورما وقليل الي عم يعرف يعملها مزبوط بالفترة الاخيرة اما تكون جودتها مش بالمستوى المطلوب او التتبيلة مش لطيفة او حتى التست نفسه ناقصه اشي بس المطعم هاد عجبني جداً وكنت سمعت عنه اكتر من مرة فكان لازم اخوض التجربة في مطعم @urbanshawerma
.
عنده شاورما لحمة خروف الي هيه ال signature للمطعم، مبدئيأً عجبني انه السندويش مش تلت رباعها خبز ، بيستعملوا خبز عربي زي زمان وبيتحمّص بطريقة لطيفة قبل ما تتقدم السندويش👌
.
- شخصياً رح اعتبر طعم ونكهة وجودة اللحمة عنده من التوب في الاردن للي فعلاً بيقدّر طعم اللحمة الاصلي تبع زمان ، كل شي راكب فيها ومدروس من اللحمة للطحينية لمكونات السندويش الكلاسيكية للكمية
.
- مافي عندهم وجبات عربي او خبز شراك فرنسي وكذا بس بتقدروا تطلبوا الشاورما فرط وبعطوكم معها خبز وحبشتكاناتها او بتطلبوها مع سلطة يعني كل الخيارات موجودة ، حتى الجاج شرحات كبيرة ومش ملعوب بالاساسيات يعني متومة مخلل وانتهينا وبتصفي اذواق بس برأيي اللحمة الها افضلية بالتجربة خاصة لاول مرة
.
- ميزة المطعم انه فيه concept وال تغليف وطريقة التقديم لطيفة ومرتبة يعني مش محل شاورما تقليدي ، لا في معايير لكل مرحلة من الصفر لحتى تسليم الطلب
.
- الاسعار صح مرتفعة شوي بس يستحق التجربة اذا فعلا بتدوروا على شاورما نظيفة ولطيفة وطعمها لا ينتسى 🤞
.
- بتقدروا تجربوا الايس كريم عندهم ببلاش في حال طلبتوا اي وحبة وورجيتوهم الصورة الي محطوطة هون الي فيها الايس كريم 👌 طعمها جدا زاكي وغنية
.
- الاسعار بالصور
- موقع المطعم : عبدون بجانب wazzup dog
.
.
#foodtip #shawarma #شاورما #food #instagram #instafood #foodporn #foodie #foodart #instagramers #foodgram #foodiegram #jordan #amman #lovejo
34 409 November 2018

@hamzehqasem

Food Critic - حمزة قاسم
.
#تجارب_الاسبوع #صاجيات .
الواحد اله فترة نفسه في اماكن حلوة عندها لحمة طرية وطيبة ياكلها وخصوصاً الصاجية ؛ الواحد لف كتير و جرب بس كان لا بد من مكان جديد و الاكل ينعمل قدام عيونك و هالحكي موجود في مطعم ريزا @rizerestaurant
.
سنابشات : #foodtip .
من بداية الكلام المكان هاد فعلاً عظيم رغم حجمه الكبير والمينيو الي ما بتخلص بس هو فعلا يستاهل تلغي اي شغلة و تروحله او تضرب مشوار اله بنص البرد عادي مبدأياً هو عنده كل اشي فا انا جربت عنده كمن شغلة منها :
.
بس قبل هيك الخبز بينعمل عندهم فريش 👌
.
- شرحات بالعجين : زي كانك بالشام بالزبط عجينة بالفرن عليها قطع لحمة طرية ومستوية مزبوط و انت لو صاحب مزاج اطلب يحطولك شوية دهنة زيادة يشوولك ياها مع اللحمة 😭
.
- صاجية ريزا فيها الكثير من الخضار والكريمة طبعا مع اللحمة فهي دسمة شوي بس قوية جداً ومسوية بطريق بتعجبكم ، صاجية الشريمب بصلصة البوفالو طريقة تقديم ممتازة وكمية زابطة مع حجم الصحن ، بالنسبة للطعم فلا غبار عليه مزبطينه تمام ، صاجية الجاج بالليمون انا مش كتير استطلفتها لاني اصلا مش من عشاق صاجيات الجاج وهون طبعا بصير اختلاف الاذواق
.
شخصياً شفت اضعف نوع بالصاجيات هوه صاجية الطحل بدها درجة شوي اقل حنى ما تنشف ولو ينضاف عليها دبس رمان بتطلع فخمة👌
.
- السلطات والمقبلات : من الاشياء الي ما بيكون فيها اختراع بس فعلاً طيبين وزاكيين وبتصفي كب حدا شو بحب وذوقه من الحار للمالح وهكذا
.
الاسعار بالصور
- موقع المطعم في شارع الحرية بجانب ماكدونالدز
.
#rize #rizerestaurant #food #amman #instafood #instagram #foodstyling #foodphotography #foodpic #insta #foodporn #streetfood #foodbeast #jordan #lovejo #foodblogger #blogger #blogerlife
11 264 November 2018

@hamzehqasem

Food Critic - حمزة قاسم
.
#تجارب_الاسبوع #فطور_الصباح .
المغتربين يجتمعوا بصف واحد✋ ، موعدنا الأسبوعي للدموع والشهونة وبصراحة عندكم حق ، من الأشياء الي بتصبر الواحد علي العيشة وتُنمّي الحس الوطني في الواحد هو الحمص والفلافل 👌
.
يعني مجرد ما تيجي عينك على محل بيعمل حمص وفلافل و عنده اختيارات تضرب منها الكورس المتكامل تفطر وتنام وتريح حالك 😂
.
سنابشات : #foodtip .
تكون رايح تقضي شغلة معينة تلاقي بوجهك مطعم رشة سماق @rushetsummaq رشة سماق عندهم قعدة اهم اشي بالبردات و مينيو من الآخر بسيطة خفيفة لطيفة حمص فلافل بيض قلاية وصاجية والذي منه
.
الي كان بالنسبة الي الخطير جداً الفلافل المحشي معمول صح بالبصل والسماق يعني حبة وحدة كافية انها تنسيك الهموم ، القلاية عندهم زي تبع البيت تماماً ، الفتة مدروسة طعمها من ايام الطيبين طعم وتتبيلة على الاصول مافيها اي فلسفة ، بالنسبة الي شفت صاجية الجاج واللحمة ممتازين جداً بس شخصياً بفضل اخليهم للعشا مش للفطور 😅
.
أهم اشي بالمطعم اسعاره الممتازة كتير وعندهم سندويشات كمان ومينيو فطور او عشا تقليدي متكامل
.
الأسعار بالصور👆
موقع المطعم : ضاحية الرشيد خلف بوابة الهندسة بجانب مسجد اساتذة الهندسة
.
#foodstagram #instafood #instagram #instapic #foodphotography #jordan #breakfast #amman #lovejo #foody #foodstyling #streetfood #hummus #falafel
26 284 October 2018